ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თსუ იურიდიული ფაკულტეტის პროფესორებმა მონაწილეობა მიიღეს 2023 წლის 09-14 ოქტომბერს პოლონეთის რესპუბლიკის ქ. სლუპსკის პომორიის სახელმწიფო უნივერსიტეტში ჩატარებულ ქართულ-პოლონურ XI საერთაშორისო-სამეცნიერო კოლოკვიუმში - „პოლონეთისა და საქართველოს კონსტიტუციონალიზმი“.
ქართული დელეგაციის შემადგენლობაში შედიოდნენ:
ივანე ჯავახიშვილის სახელობის თბილისის სახელმწიფო უნივერსიტეტის რექტორი, პროფესორი ჯაბა სამუშია;
თსუ იურიდიული ფაკულტეტის პროფესორი ირაკლი ბურდული;
თსუ იურიდიული ფაკულტეტის ასოცირებული პროფესორი მარინა გარიშვილი;
თსუ იურიდიული ფაკულტეტის ასოცირებული პროფესორი დავით ბოსტოღანაშვილი;
თსუ იურიდიული ფაკულტეტის ასისტენტ-პროფესორი ელზა ჩაჩანიძე;
თსუ ჰუმანიტარულ მეცნიერებათა ფაკულტეტის პროფესორი ნიკო ჯავახიშვილი.
სამეცნიერო კოლოკვიუმის ფარგლებში წაკითხული იქნა სამეცნიერო მოხსენებები ძველი ქართული სახელმწიფო სამართლის მნიშვნელოვან პრობლემებზე, კერძოდ:
პროფ. ირაკლი ბურდული წარსდგა მოხსენებით თემაზე: „სავაჭრო კაპიტალიზმის ფორმირების ისტორიიდან“.
ასოც. პროფ. მარინა გარიშვილი წარსდგა მოხსენებით თემაზე: „სახელმწიფო მმართველობის სისტემა საქართველოში რუსეთის ოკუპაციის პირველ წლებში (1801-1804 წწ.)
ასოც. პროფ. დავით ბოსტოღანაშვილი წარსდგა მოხსენებით თემაზე: „ადგილობრივი თვითმმართველობა საქართველოში რუსეთის ოკუპაციის პერიოდში (XIX საუკუნე)
ასისტენტ-პროფ. ელზა ჩაჩანიძე წარსდგა მოხსენებით თემაზე: „საუკუნის პოლიციის ორგანოები საქართველოში რუსეთის ოკუპაციის პერიოდში (XIX საუკუნე).
სამეცნიერო კოლოკვიუმის მიმდინარეობისას ქართულმა დელეგაციამ მიიღო მონაწილეობა სლუპსკის სახელმწიფო უნივერსიტეტში ახალი სასწავლო/სამეცნიერო წლის გახსნისადმი მიძღვნილ საზეიმო ღონისძიებაში, ხოლო თბილისის სახელმწიფო უნივერსიტეტის რექტორმა, პროფესორმა ჯაბა სამუშიამ მისასალმებელი სიტყვით მიმართა დამსწრე საზოგადოებას. ამავე ღონისძიების ფარგლებში, საზეიმო ვითარებაში, მრავალწლიანი ქართულ-პოლონურ სამეცნიერო თანამშრომლობაში შეტანილი წვლილის აღსანიშნავად, სლუპსკის უნივერსიტეტის სამართლისა და ადმინისტრაციის ფაკულტეტის სამართლის ისტორიის კათედრის გამგეს, თბილისის სახელმწიფო უნივერსიტეტის საპატიო დოქტორს დარიუშ შპოპერს გადაეცა ტფილისის უნივერსიტეტის ოქროს მედალი.
თარიღი:
09/11/2023
